Swansea-in Las Palmas midfielder an hnaih

Premier League club Swan­sea City chuan Las Palmas defensive midfielder Roque Mesa chu lakluh tumin an dawr mek a, a man hi pound maktaduai 10 aiin a tlawm lo ang.

Swansea chairman Huw Jenkins chuan central mid­fielder leh striker lakluh an tum tur thu a lo sawi tawh a, midfield hmunruak hnawhkhat turin Sevilla leh AS Roma pawhin lakluh an tum Mesa hi an dawr a ni. Tlarhmaa khel turin Chelsea rawlthar duhawm Tammy Abraham chu loan-in an lalut hnai tawh bawk.

Welsh club-in player thar an melh rualin defender Franck Tabanou chu a contract an tihtawp sak bawk. Tabanou hian June 2015 khan St Etienne aṭangin Swans hi pound makta­duai thum chuangin a zawm a, 2018 thleng contract a nei. Mahse, Swansea tan match thum chiah khelin beisei a phak lo a, a contract hi tihtawp a ni ta a ni.