Vawiinah Indian player thiam ber a hriat dawn
Football Players' Association of India chuan vawiina Mizoram XI nen exhibition match an khelh hunah Indian football-a chawimawina ngaihhlut hlawh ber pawl FPAI Awards an sem dawn.
Inkhel chawlhlawk laiin chawimawina hi sem a ni dawn - India rama football player-te chawimawina sang sem lai Mizo mipuite'n a hmunah ngei an hmu thei dawn.
Nimin khan FPAI hian awards zinga ngaihhlut hlawh ber Player of the Year chawimawina dawng thei tur an puang chhuak a, nikuma he chawimawina dawngtu Jeje Lalpekhlua hming a tel.
Jayesh Rane hming a lang bawk a, Mumbai tlangval hi I League khelh zawh taka Aizawl FC midfielder ṭangkai kha a ni. Jeje leh Jayesh bakah hian C.K Vineeth, Anas Edathodika leh Sunil Chhetri-te hming a lang a, Vineeth leh Anas hi vawiina FPAI tana inkhel tur zingah an tel.
Mizo hming a langsar
FPAI-in kum tinin Player of the Year, Young Player of the Year, Foreigner of the Year, Fan's Player of the Year leh Coach of the Year chawimawina an sem ṭhin a, Indian player tana tel theih lohna foreigner
ṭha ber thlanna tih lohah chuan Mizo hming a lang vek.
Player of the Year dawng thei turin Jeje hming a lang a; Young POTY dawng turin Jerry Mawihmingthanga leh Isaac Vanmalsawma hming chhawp chhuah a ni a; Fans POTY nominee-ah Zohmingliana Ralte leh Isaac Vanmalsawma an lang bawk. Shillong Lajong midfielder Isaac hi chawimawina dawng thei turin category pahnihah a hming chhawpchhuah a ni tihna a ni.
Aizawl FC an sang
I League-ah Aizawl FC an champion a, chawimawina leh sumin players leh coach a umzui. Mizo club hian FPAI Awards dawng thei zingah hian player pali leh coach Khalid Jamil an thawh.
POTY dawng thei turin Jayesh chhawpchhuah a ni a, I League best midfielder-a thlan captain Alfred Jaryan chu Foreign POTY dawng thei zingah a tel a, goalkeeper Albino Gomes, Ramhlun South tlangval Zohmingliana Ralte leh Jayesh chu Fans POTY dawng thei tur zingah an tel bawk.
Thlan dan kalphung
FPAI Awards dawng tur hi Football Players' Association of India hnuaia Indian player 400 chuangin vote hmanga an thlan a ni a, thil dang hmanga teh a ni lo.
Chumi awmzia chu Indian player-ten category tin atan an player/coach duhzawng an vote ṭheuh a, heta vote hmu sang panga hi chhawpchhuah an ni. Player-ten mahni club khelhna ami an player pui emaw an coach an vote thei lo.
FPAI president Renedy Singh chuan, "Player-ten an player pui zinga ṭha an tih ber an thlan chhuahna a ni a, ka player pui ten he chawimawina dawng tur hian min thlang se chuan ka inchhuang khawp ang," tiin Vanglaini zawhna a chhang a, FPAI Awards hlut zia a sawifiah thiam hle.
Player of the Year Award
Jeje Lalpekhlua Chennaiyin FC / Mohun Bagan AC
Jayesh Rane Chennaiyin FC/ Aizawl FC
C.K.Vineeth Bengaluru FC/ Kerala Blasters FC
Anas Edathodika Mohun Bagan AC/ Delhi Dynamos
Sunil Chhetri Bengaluru FC / Mumbai City FC
Young Player of the Year Award
Jerry Mawihmingthanga DSK Shivajians / North East United
Isaac Vanlalsawma Shillong Lajong
Nikhil Poojari Kingfisher East Bengal
Chesterpoul Lyngdoh FC Pune City / Churchill Brothers SC
Udanta Singh Bengaluru FC/ Mumbai City FC
Foreigner of the Year Award
Sony Norde Mohun Bagan AC/ Mumbai City FC
Willis Deon Plaza Kingfisher East Bengal
Alfred Jaryan Aizawl FC
Darryl Duffy Mohun Bagan AC
Asser Pierrick Dicka Shillong Lajong FC
Fan's Player of the Year Award
Zohmingliana Ralte Aizawl FC
Isaac Vanmalsawma Shillong Lajong
Albino Gomes Mumbai City FC/ Aizawl FC
Jayesh Rane Chennaiyin FC/ Aizawl FC
Robin Singh FC Goa/ Kingfisher East Bengal
Pritam Kotal Mohun Bagan AC/ Atletico de Kolkata
Balwant Singh Mohun Bagan AC
Debjit Majumder Mohun Bagan AC/ Atletico de Kolkata
C.K. Vineeth Bengaluru FC/ Kerala Balsters
Adil Khan Churchill Brothers
Coach of the Year Award
Thangboi Singhto Shillong Lajong
Sanjoy Sen Mohun Bagan
Khalid Jamil Aizawl FC
Trevor Morgan Kingfisher East Bengal
Derrick Pereira Churchill Brothers