MFA Super Cup 2017 Aizawl FC vs Chanmari FC

Lalbiakliana Memo­rial MFA Super Cup 2017 first round-ah Aizawl FC leh Chanmari FC an inhmachhawn nghal dawn a, 2016 finalist aṭangin pakhat zawk chauhin second round an lut ang.

Kumin MFA Super Cup-ah hian MFA hnuaia affiliated club 63 an inziak lut a, June 29, Ningani khan tie draw neih niin seeded siam a ni lo. First round-ah hian Bethany FC, Bawngkawn chu bye awmchhun niin round of 32 an thleng nghal a, MPL club zingah Aizawl DFA hnuaia Third Division club Bethany FC thlen chin thleng pha lo an awm dawn tihna a ni.

First round-a ngaih­ven hlawh ber chu MPL champion Chanmari FC leh MFA Super Cup champion Aizawl FC in­khel tur hi a ni a, I League club hi I Day Football champion an nih bawk avangin an inkhel tur hi MFA Super Cup kalphung thlak hma chu ni se club pahnih hi MFA Super Cup-a nomawi inchuh tur an ni.

India champion leh Mizoram champion te hi Group F-ah awmin June 5, Nilaini tlai dar 1:00 khian RG Stadium-ah an inhmachhawn dawn a, he group-ah hian MPL kai thar Mizoram Police an awm bawk.

MFA Super Cup hi July 3, Thawhṭanni khian khelh a ni dawn a, chhun dar 12:00 hian Lammualah Bethlehem VT FC leh AFC Academy U18 te an inkhel ang a, RG Stadium-ah tlai dar 3:00-ah Ramhlun North FC leh Republic VT FC te an inkhel bawk dawn.

MPL champion hmasa ber Dinthar FC-in July 12-ah 1st Bn MAP Academy an hmachhawn dawn a, July 11-ah Chanmari West FC leh SYS Academy, Lunglei an inkhel dawn a. Transfer laia thawm nei lian ber Chhinga Veng FC-in an match hmasa berah Zarkawt FC an hmachhawn ang.

Fixtures
July 3, ThawhṬanni
Group A - Lammual
10:00 AM FC Venghnuai Vs Bawngkawn FC
12:00 PM Bethlehem VT FC Vs AFC Academy U18
02:00 PM AFC Academy U16 Vs Durtlang FC
Group E - RG Stadium
11:00 AM Citizen FC Zotlang Vs Aizawl FC Academy
01:00 PM New Serchhip FC Vs MFA Grassroots
03:00 PM Ramhlun North FC Vs Republic VT FC