Bosz-a bulṭanna tur Wolfsburg

Borussia Dortmund manager thar Peter Bosz chuan Bundesliga match hmasa berah Wolfsburg a hmachhawn dawn, match hmasa ber hi August 19 zan dar 7:30-a khelh tur a ni.

Champion lai Ba­yern Munich chuan Bayer Leverkusen an hma­chhawn hmasa ber dawn thung, club lian pahnihte hi an match 11-naah an intawng dawn, an inkhelh hmasakna tur hmun hi Signal Iduna Park niin March thla tawp lam emaw April thla tir lamah emaw Allianz Arena-ah an intawng leh ang.

Season hmasa khan Carlo Ancelotti kaih­hruaina hnuaiah Bayern-in nomawi an chawi a. Thomas Tuchel-a enkawl Dortmund-in beisei an phak lo thung, pathumna niin Champions League khel dawn tho mah se manager a chhuak. Duth manager Bosz kaih­hruai­na hnuaiah hmasawn an tum dawn a ni.