Fulham player thar Issa Diop

Premier League kai thar Fulham-in English top flight league-ah a tikimtu nih duh loin, transfer bazar-ah an chet chhunzawm zel a, West Ham defender Issa Diop chu pound maktaduai 15-in an lalut.

French defender hian Craven Cottage-ah kum nga khel turin contract a ziak a, kum 25 mi centre back chuan, "Fulham ka zawm thei hi ka lawm takzet a, ka career-a hun duhawm tak a nih ka beisei," a ti.

Diop hian Toulouse aṭangin a professional career a ṭan a, kum 2018 khan Ligue 1 club hi chhuahsanin, West Ham hi a pan a, season li chhunga match 121 khelin goal riat a khung a, assist vawi thum a nei.

Hammers-in an lakluh lai hian £22mtd man niin khawthlang media-te chuan an tarlang a, a hunlaia West Ham player man to ber niin kum nga atan contract a ziak.

West Ham tana a hun hmasa lam season hnih chhung chu hmun pawimawh a chang a, mahse, Kurt Zouma leh Craig Dawson ten London club an zawm hnuah hmun a chang phak lo.