Indian goalkeeper hlawh hnem ber Amrinder

Indian Super League club Mumbai City FC transfer bazar-ah an che na a, Bengaluru FC aṭang­in Amrinder Singh chu Indian goalkeeper awm tawh zinga hlawh hnem ber ni turin an lalut.

Kum 24-a upa goal­keeper hian season khatah vaibelchhe 1 leh nuai 20 a hlawh dawn a, Indian goalkeeper zingah heti zat hlawh thei an la awm lo. Atletico de Kolkata tan pawha lo khel tawh Am­rinder hian season hman zawh tak ISL kha Mumbai City tan a lo khel tawh a, Bengaluru tan AFC Cup a khelh avangin Maharashtra club hi zawm lawk thei lo mah se match ruk a khel hman tho a, match ngaah goal a chhuah lo.

Feet ruk leh inch khata sang goalkeeper hi India tan la inlan lo mah se Asian Games 2014-ah khan Indian U23 tan erawh a lo khel tawh. Indian football-ah goalkeeper an hlu thar a, tun hnaia goalkeeper 'hot' ber pawl Debjit Majumder chu Mohun Bagan, East Bengal leh Atletico de Kolkata ten vaibelchhe khat chuang contract an zawrh vek nia sawi a ni.