Chung lam malsawmna a ni - Perez

Real Madrid-in an La Liga nomawi 34-na an chawi leh ta a, club president Florentino Perez chuan nomawi hlawhchhuah puitu Zidane chu, "Chung lam malsawmna kan dawn a ni," tiin a fak!

Perez chuan, "Kan hnenah rei zawk a cham zel kan beisei. Mi te chuan an duhtawkin lo sawisel rawh se - nomawi min chawipui chhung chuan pawi tihna kan nei lo," a ti zui. Hetihlai hian Sergio Ramos chuan a career chu Real lama hman zawh a duh thu a sawi. Spanish defender chuan, "Ka hlimin nuam ka ti a, kei emaw club lamin buaina kan neih ka ring lo. He hmunah hian ka hun tawp hman theih ka beisei," a ti.