MFA-in Rs 3,00,000 pe

Mizoram Football Association chuan Inrinnia FPAI XI leh Mizoram XI te inkhelhna aṭanga an sum hmuh aṭangin tun hnaia chhiat tawkte ṭanpui nan Rs 3,00,000 an pe.

MFA chuan Rs 1,00,000 chu tun hnaia tui lian tuar Sairang khawtlang hnenah an hlan dawn a, July 1-a FPAI nen exhibition football match an dawn aṭang hian Rs 2,00,000 chu FPAI nena inkawpin Chief Minister's Relief Fund atan an lo hlan tawh a, a vaiin Rs 3,00,000 ṭanpuina pawisa an pe chhuak thei a ni.

MFA chuan mikhual zinna leh an thlenna, ei leh in senso te a tum vek a. Chuti chung chuan sum ṭhahnem tak chhiattawkte tana an la pe thei chu Mizo mipuite ṭhahnemngaihna vang leh, sponsor Double ESS Industry-te inphalna vang a ni tih MFA chuan a hria a, a lawm takzet a ni. He inkhel en tura mahni insenga ticket leitu zawng zawng chungah MFA chuan lawmthu a sawi.