Chhiat tawkte tan Bellerin

Arsenal defender Hec­tor Bellerin chuan Gren­fell Tower kang vanga chhiattawkte tan £19,050 (Rs 16,01,323) a hlan. June 14-a Grenfell Tower kangah khan a tlem berah mi 80 chuang an thi a ngaih a ni.

Kum 22 mi Bellerin hian European Under-21 Championship khelh ṭan a nih hma khan he inelnaah hian minute khat a inlanah £50 zel a pek tur thu a sawi. Poland-a inelnaah hian Spain tan minute 381 khelin an ram team hi final a hruai thleng - Germany lakah si khat faiin an chak lo thung.

Bellerin chuan, "Pawi­­sa hi British Red Cross hnenah a lut ang, ka intiamna ang ngeiin ka inkhelh zat minute aṭanga chhutin ṭanpuina ka pe. Mahni theih ang tawk tawka chhiat tawkte ṭanpui turin mitin ka sawm," tiin a pawisa chu UK-a ṭanpuitu pawl pakhat British Red Cross kaltlanga pek a nih tur thu a sawi.

Manchester City leh England winger Raheem Sterling pawhin North Kensington, London-a kang tuarte tan a theih ang tawk tawka ṭanpuina a thehchhuah tur thu a sawi ve tawh bawk.