A ṭha ber ka la thleng lo - Srikanth

Indian shuttler zinga Superseries nomawi a zawna chawi thei hmasa ber Kidambi Srikanth chuan a ṭhat dan bera a la khelh chhuah loh thu a sawi.

Indonesia leh Australia Open titles la hlim Srikanth chuan, "Ka khel ṭha tluang a, inrintawkna ka neiin tun hma zawng aiin ka result pawh a ṭha zawk. Mahse, ka theihna sang ber erawh ka la tawng loin ka hria," tiin a sawi.

Australian Open Superseries-ah khan Srikanth hian tun hma lama a la hneh theih ngai loh Olympic champion nilai Chen Long a hneh. Kum 2014 leh 2015 World Championship gold medalist hi tun hmain vawi nga a hneh tawh lo a ni.

Kum 24 mi Srikanth chuan, "Infiam­na huangah chuan hneh theih loh an awm bik lo tih ka finfiah ta a, inelna lian dangah pawh beiseina min siamsak nasa hle," a ti. Srikanth hian tun dinhmun a thlen theih chhan chu amah chhertu coach Puella Gopichand a nih thu a sawi tel bawk.