World Championship thlirtu Sindhu
Olympic silver medallist shuttller PV Sindhu chuan August thlaa neih tur World Championship a thlir lawk a, medal la tur chuan thawhrim a ngaih tur thu a sawi chhuak.
Kum 21-a upa Sindhu chuan, "Inelna lian World Championship chu thla leh maiah kan khel leh tawh dawn. Glasgow pan turin ka thawkrim em em a, tuna ka khelh dan aia ṭha zawka khelh chhuah ngei ka tum," tiin a sawi.
World number 5 Sindhu hian kum 2013 leh 2014 khan World Championship-ah hian bronze medal a la tawh. Rio Olympic-a silver medal a lak hnuah Indian Open leh China Open title a la leh tawh a, Indonesia leh Australia-ah erawh beisei a phak lo.
Hyderabad nula chuan, "Rio hnuah khan ka nun a inthlakthleng nasa hle. Coach Gopichand kutah thil a innghat thui em em a, tunah chuan Indonesian coaches Mulyo Handoyo leh Hariawan te an awm bawk avangin kei leh player dangte pawhin kawng hrang hrangin hma kan sawn zel ka beisei," tiin hmasawn a beisei thu a sawi.