Highlanders sawmna Borges-in hnawl

NorthEast United chuan ISL 2016-a an pla­yer pawimawh Rowllin Borges chu contract thar zawrh mah se Goan midfielder hian High­landers sawmna hi a hnawl a, an contract zawrh mek aia tam zawk hlawh a phut nia sawi a ni.

All India Football Federation’s (AIFF) Emer­ging Player of the Year 2016 atana thlan Borges hian season hmasa kha ISL-ah match 13 a khel a, I League-ah East Bengal tan inlanin league match 10-ah inkhel bul a ṭan thung.

NorthEast United hian goalkeeper Rehenesh Thumbirumbu Paramba chu inbiakna an neihpui mek bawk. I League hman zawh taka East Bengal goalkeeper hian ISL ṭantirh aṭang khan NorthEast United tan vek a la khel a, tun season-ah a khel leh a nih chuan Highlander tan hian season li chhung a khel tawh dawn tihna a ni.

Kerala goalkeeper hi hmarchhakah a mikhual lo hle. ISL-a NorthEast United tana a inlan hma hian Shillong club Rang­dajied United leh Shillong Lajong tan I League-ah a lo inlan tawh.