Mohun Bagan-ah Aizawl FC keeper hlui

I League club Mohun Bagan-in Aizawl FC champion puitu defender Eze Kingsley, striker Kamo Stephane Bayi leh Churchill Brothers Ansumana Kromah an lakluh hnuah an bazar chhunzawm zel a, I League-a Aizawl season hmasa bera goalkeeper Soram Poirei chu an lalut.

Manipur goalkeeper hian season hman zawh takah khan I League-ah DSK Shivajians tan a khel a, Indian Super League lamah Delhi Dynamos tan a inlan bawk. Bagan hian kum 24-a upa goalkeeper bakah hian season hman zawh taka Churchill Brothers winger Chesterpaul Lyngdoh chu an lalut bawk.

Khasi tlangval hi Pune City FC player a ni a, season hmasa khan Churchill-ah hian loan-in khelhtir a ni a, Mariners-ah pawh hian loan bawkin a khel dawn a ni.