Mumbai City leh Guimaraes indawr mek

Indian Super League club Mumbai City chuan season hman zawh taka semifinal hruai thlengtu Alexandre Guimaraes chu tun season-a an coach dinhmun luah chhunzawm turin indawrna an neihpui mek a, season thum chhunga a vawi khat nana ISL semifinal khelhpuitu nena thawhho leh an duh.

Alexandre Guimaraes hian ISL 2016-ah khan Mumbai club hi match 14 an khelhah point 23 a hlawhchhuahpui a, mah se semifinal-ah Atletico de Kolkat hneh loin an tla thung. Kum 56-a upa manager hian football khawvelah tawnhriat a ngah tawh hle.

World Cup 2006-ah khan Costa Rica chu a kaihruai a, Asia-ah UAE club ṭha Al Wasl leh Chinese Super League club Tianjin Teda te a lo enkawl tawh bawk.