Quarterfinal-ah Kyrgios a lut

Nick Kyrgios a che fuh chhunzawm zel a, nimin zing khan Alex de Minaur chu 6-2, 6-3 a hnehin Canadian Open quarterfinal a lut, a match hmasa zawkah world number 1 Daniil Medvedev a lo hneh tawh bawk.

Wimbledon finalist Kyrgios hian tun hnaiah a khel ṭha hle. Amah ang bawka Australian player Minaur lakah pawh a chungnung fal viau a, set hnih an khelh chhungin harsatna lian tham thawh a nei lo.

Seeded pawh chang phak lo, kum 27 mi Kyrgios hian a match lehpekah chuan Hubert Hurkacz a hmachhawn leh ang. Inkhel dangah Jack Draper leh Dan Evans te chuan quarterfinal an inhlangkai ve bawk.