India football kaldan tur rel dawn

AIFF league com­mittee chuan vawiin hian season thara India ram football kaldan tur chungchangah thutlukna an siam ang.

League committee hian I League ṭhan zel dan tur an duang dawn a, Star Sports lama pekchhuah tawh tur niin season liam taa Ten Sports pekchhuah aiin en a nuam tawh zawk ang. Asia rama football thuneitu sang AFC thurawn angin league committee hian India ram football kal dan tur an duang bawk ang.

League committee hian season thar atana fixture tur an buatsaih nghal dawn a, ISL leh I League match tam thei ang ber kar tawp lama khelh theihtir an tum dawn a ni. I League club lam chuan foreigner pariat neih an dil a, chung zinga pahnih tal chu Asian ni turin an duh a, starting XI-ah foreigner panga awm phalsakin Asian pakhat tal tel ngei turin an ngen a, hemi chungchang hi league committee chuan an rel bawk ang.

Ngaihven hlawh ber tur chu league committee hian season tawpa I League club leh ISL club intum theihna tur Champions Cup/Super Cup chungchangah thu­tlukna an siam dawn a ni.

Mizoram Football Asso­ciation honorary sec­retary Lalnghinglova Hmar chu league com­mittee-ah deputy chairman a ni a, Subrata Dutta chu chairman a ni thung.