PSG-ah George Weah-a fapa

African footballer zinga Ballon d'Or chawi­mawina dawng thei awm chhun George Weah-a fapa forward Ti­mo­­thy Weah chuan a inzir chhuahna Paris St-Germain tan professional contract a ziak ve ta.

Kum 17 mi Weah hian French Ligue 1 pahnihna PSG tan hian kum thum daih contract a ziak, a pa George-a'n kum 1992-1995 chhunga a lo khelh tawhna club tan hian kum 2020 thleng a cham phawt dawn tihna a ni.

New York City-a piang Weah hian nikum Sreptember thla khan a vawi khat nan UEFA Youth League-ah Bulgarian club Ludogorets hmachhawnin hattrick a siam a, a club hi 8-1 in hnehna a chanpui.

Liberian hranghlui George Weah kha Afri­can Footballer of the Year atan ṭum thum thlan a ni a, kum 1995 khan Ballon d'Or chawi­mawina hlan a ni bawk.

African zinga Ballon d'Or chawimawina dang thei awm chhun hian AS Monaco, AC Milan leh PSG-ah vanglai hun a hman hnuin a hun tawp lamah Premier League club Chelsea leh Manchester City tan a inlan ve bawk.