Milan player thar Calhanoglu

Season thara Europa League khel tur AC Milan chuan an squad an thuam chak mek zel. Bundesliga club Bayer Leverkusen aṭangin Thawhṭanni khan Turkey midfielder Hakan Calhanoglu chu kum li chhung atan an lalut leh ta.

Kum 23-a upa Cal­hanoglu hi kumin Feb­ruary thla aṭang khan khelmualah a la inlan lo. Turkish club Trabzonspor aṭanga Bundesliga club Hamburg a zawm dan chungchangah thil fel lo a awm avangin in­fiam­na lama thubuai ngaih­tuahtu sang ber Court of Arbitration for Sport (CAS) chuan thla li chhung inkhel thei lo turin a hrem a ni.

Calhanoglu hian Hamburg aṭanga Lever­kusen a zawm hnuah season thum chhungin inelna hrang hrangah match 115 khelin goal 28 a khung bawk.

Serie A club Mian hian tun nipui transfer chhungin Calhanoglu hma hian Andre Silva, Franck Kessie, Mateo Mu­sacchio, Ricardo Rod­riguez leh Fabio Borini te an lalut tawh bawk.