Germany U19 ngam loh Piroe

FIFA Confederations Cup leh Euro U21 C'ship-ah Germany an cham­pion a, Euro U19 C'ship-ah erawh beisei an pha lo. Thawhṭanni zan khan Tbilisi, Georgia-ah Netherlands-in Germany 4-1 in an sawp.

Netherlands tan hian PSV Eindhoven reserve team 'Jong PSV' tana khel mek Joel Piroe chuan hattrick a siam a, N.E.C. striker Jay-Roy Grot-a'n goal khat a khung ve bawk. First half-a goal a luh loh hnuin Germany-in Eintracht Frankfurt midfielder Aymen Barkok hmangin goal an khung hmasa a, amaherawhchu he goal hi Dutch team chhaih kawlhtu mai a ni.

Group B inkhel dangah England-in Bulgaria 2-0 in an hneh a, group khat aṭang hian pahnihin semifinal an lut ang. Group A-ah Czech Republic leh Bulgaria ten an khingpui Sweden leh Georgia te hneh tawhin point thum ve ve an hmu tawh. Zanin hian Sweden leh Georgia te an inhmachhawn ang a, Portugal leh Czech Repub­lic te an inkhel bawk ang.