FC Goa-in Kattimani an chelh
Indian Super League club FC Goa chuan goalkeeper Laxmikant Kattimani chu kum thum chhung atan contract ziahpuiin an chelh. Kum 28-a upa goalkeeper hian kum 2015 aṭang khan FC Goa tan a khel ṭan a, ISL season hnih a khelhah first choice goalkeeper niin I League-ah khan Mumbai FC-ah loan-a khelhtir a ni.
FC Goa hian Indian Super League khelh ṭan aṭanga an coach dinhmun lo chelh tawhtu, Brazilian legend Zico chu season tharah an coach a nih loh tur thu an tichiang tawh a, tu enkawlna hnuaiah nge an khelh dawn la chiang lo mah se player pahnih an chelh theih zingah Kattimani chelh an thlang.
Goan club hian season hmasaa an player Mandar Rao Dessai, Pratesh Shirodkar leh Romeo Fernandes zinga a tu emaw ber hi contract thar an la zawrh leh dawn bawk a, an chelh tur ber erawh an la sawi chiang lo.