Indian football legend Chuni Goswami a thi

Indian footballer ropui ber zinga mi, Chuni Goswami chu nimin khan hun rei tak a damloh hnuah Kolkata khawpuiah a thi a, kum 82 mi a ni.

Indian football tawn sanlai ber, 1962 Asian Games-a Indian football team-in gold an lak ṭumin captain a ni a, Asian Cup 1964-ah pahnihna an ni a, hetihlaia inelna ngaihhlut hlawh Merdeka Cup-ah final an lut bawk.

Tata Football Aca-demy-a director hna pawh lo chelh tawh Goswami hian Mohun Bagan-ah a career hmang zoin club dang tan a khel lo a, Indian football golden generation tia an sawi ṭhinah Captain 

a ni thei.

India tan vawi 32 inlana goal kua khungtu Goswami hi mi tam tak chuan Indian footballer ropui berah a ngai hial.

Goswami hian first class cricket khel phak khawpin cricket a thiam bawk a, football-a chawlhsan hnuah cricket lamah insawrbing zuiin 1971-72 season khan cricket inelna ngaihhlut hlawh Ranji Trophy-ah Bengal tan captain a ni thei.