Messi-a'n contract ziak dawn

Lionel Messi chuan Barce­lona-ah kum 2021 June 30 thleng cham chhunzawm zel turin con­tract thar ziah a remti a, karlehah inremna hi an ziak fel ang.

Barca forward hian a contract tharah engzat nge a hlawh dawn tih sawi chian a la ni lo, khawthlang media-te chuan karkhata a hlawh tur hi £500,000 niin an tarlang! Amah la chhuak tur tana buyout clause an dah zat pawh pound maktaduai 264 a tling pha hial a, khawvel player manto ber Paul Pogba man let thum dawn a ni.

Argentina captain hian kum 2000 khan Barcelona hi a zawm a, kum 16 mi chauh a nih lai aṭangin first team-ah inlan ṭanin tun thlengin match 583 a khelh aṭangin goal 507 a khung tawh - Catalan club tana goal khung hnem ber a ni mek.

Barcelona chuan thuchhuah siamin, "Club tan Messi-a'n a rinawm zia lantir nana contract thar a ziak tur hi kan lawm, ani hi khawvela player piang tawh zinga ṭha ber a ni," an ti.

Kum 30-a upa Messi hian Nou Camp-ah season 13 hun a hmang tawh a, Ballon d’Or chaiwmawina vawi nga a dawng tawh. A club hi La Liga nomawi pariat, Champions Leagues (4), Copa del Rey (5), Spanish Super Cup (7), European Super Cup (3) leh Club World Cup (3) a chawi pui tawh.