Marseille player thar Gustavo

Brazil midfielder Luiz Gustavo chuan Wolfsburg chhuahsanin Marseille a zawm a, French club-in a man atan an insenso zat hi pound maktaduai sarih niin a contract rei zawng erawh puanzar a la ni lo thung.

Kum 21-a upa midfiel­der hian Wolfsburg tan kum thum a khelh chhungin inelna hrang hrangah match 108 a inlan sak a, goal 12 a khung sak. Wolfsburg tana a khelh hma hian Hoffenheim leh Bayern Munich tan a khel a, Munich-ah hian 2012-13 season-a treble champion an nih ṭum khan match 36 a inlan sak.

Brazil tana vawi 41 inlan tawh midfielder chuan, "Wolfsburg thlah mai hi ka tan thil awlsam a ni lo. Mahse, nipui transfer-ah hian ka la hmachhawn ngai loh chona hmachhawn chakin ka tuihal tlat a, Marseille ka pan ta a ni," tiin French club-ah chuan chona thar hmachhawn tura kal a nih thu a sawi.