India tlangval inlan hun

Tennis granss court tournament ngaihhlut ber Wimbledon khelh mek a ni a, vawiin tlai dar 4:00 hian India tlangval Leander Paes leh a kawppui Adil Shamasdin te chuan doubles-a an match hmasa ber an khel ang.

Mipa doubles seeded pariatna Rohan Bopanna leh a ṭanpui Edouard Roger-Vasselin te pawhin an match hmsa ber atan Mischa Zverev leh Dustin Brown te ṭangdun an hmachhawn ve dawn bawk a ni.

India tennis player zingah Wimbledon singles bikah semifinal lut an la awm lo. Kum 1939 khan Ghaus Mohammad chuan quarterfinal a lut tawh a, ani hnuah hian Vijay Amritraj leh Ramesh Krishnan te pawh a sang pariat zingah an inhlangkai ve tawh - anni pathum bak thleng sang thei an awm ngai lo.

Amaherawhchu, doubles lamah erawh India star-te an duai bik lo. Kum 1999 khan Paes leh Bhupathi ten doubles nomawi an chawi a, Bhupathi hian Mirjana Lucic nena ṭangdunin mixed doubles title a la tawh bawk. Kum 2015 khan Sania Mirza leh Martina Hingis te inkawp chuan hmeichhe doubles nomawi an chawi ve tawh bawk a ni.