Huddersfield-ah player pathum

Premier League club thar Huddersfield chuan English division sang bera nun bul ṭan turin player an lakluh belh zel a, Tom Ince, Danny Williams leh Kasey Palmer-te chu a rualin an lalut.

Kum 25-a upa Ince hi Derby County aṭangin an lalut a, a man zat tarlan loh winger hi kum thum chhung an hnena khel turin contract an ziahpui. Kum 25-a upa winger hian Derby tan match 115 khelin goal 38 a khung.

USA international Danny Williams hian Reading-a a contract a hman zawh tawh avangin Premier League club hi free transfer-in a zawm a, kum hnih chhung khel turin contract a ziak.

England Under-21 international Palmer hi Chelsea player niin season hman zawh tak kha Huddersfield-ah hian loan-in a hun a lo hmang tawh a, Stamford Bridge-ah kum 2021 thleng cham tura contract a ziah hnuin Huddersfield hi loan hmangin a zawm leh a ni.