Australia leh China-a kal tur Arsenal

Arsenal chuan Pre­mier League khel tura an inbuatsaihna hmun tur an tichiang a, Arsene Wenger-a naute hi Aus­tralia leh China-ah an zin chhuak ang.

Premier League pangana Gunners hian July 13-ah Sydney FC an hmachhawn ang a, July 13 hian Shanghai Stadium, Shanghai-ah Bayern Munich nen an inkhel dawn a ni. China-ah hian Chelsea an hmachhawn bawk ang; he mi hnu hi chuan anmahniin inelna an buatsaih ṭhin Emirates Cup khel turin London an pan dawn a ni.

North London club hian London Colney-ah training an ṭan leh tawh a, player la kim lo mah se hming langsar zingah Danny Welbeck, Mesut Ozil, Theo Walcott, Per Mertesacker, Petr Cech, David Ospina leh player lakluh thar Sead Kolasinac ten training an zawm tawh.

Confederations Cup khela zin chhuak Alexis Sanchez erawh chawlh pek a la ni thung. Sanchez hian an ram Chile chu final a hruai thleng a, nomawi inchuhna inkhel­ah Germany an ngam lo.