Saina Nehwal a training ngawrh

August 21-27 chhunga a neih tur Badminton World Championship atan India badminton star Saina Nehwal chuan ngawrh takin training a nei mek a, International Olympic Committee's (IOC) Athle­tes' Com­mission meeting-ah pawh a tel thei dawn lo.

World number 1 hlui Saina-i pa Harvir Singh chuan, "Tunah hian Glasgow-a inelna hma­chhawn turin rim takin a inbuatsaih mek a, July 9-a neih tur meeting pawi­mawhah pawh a tel thei dawn lo a ni," tiin a fanu chu Geneva-ah a kal loh tur thu a sawi.

Kum 27 mi Saina hi tun dinhmunah world number 10 a ni. London Olympic-a bronze medal a dawn hnuah Saina hi khel ṭha chho viauin number 1 hial a ni thei mahse, tun hnaiah beisei a phak lo, court chhunga a ropuina ang kha neih let leh tumin hma a la mek a ni.

Indian shuttler hi nikum khan IOC Athletes' Commission atan hian ruat a ni a, an meeting hmasa zawkah pawh tour­nament a khelh laklawh lai a nih avangin a ṭhulh tawh bawk a ni.