Atletico-ah Torres cham dawn

Atletico Madrid striker Fernando Torres hmalam hun a chiang ta a, Liverpool striker hlui hian June 2018 thlenga cham turin Spanish club tan hian contract thar a ziak.

Torres-a inzir­chhuah­na leh larchhuahna club Atletico hian tun nipuiah player an lalut ve thei lo a, hei vang hian Liverpool, Chelsea leh AC Milan tana khel tawh Spanish striker an chelh hi an tan a pawimawh a ni.

Amaherawhchu, Diego Simeone hnuaiah Torres hian Antoine Griez­mann leh Kevin Ga­meiro te a tluk lo a, hei vang hian season liam ta khan league-ah goal riat chiah a khung. Kum khat chhung a khelh leh turah pawh hian Torres hi rinrawl ni loin squad tichhahtu a ni zawk ang.

Kum 33 mi Torres chuan, "Kum khat chhung ka cham leh thei tur hi ka lawm hle a ni," tiin Atletico official website a hrilh.