Mane a lo kir hnai

Liverpool forward Sadio Mane chuan hliam vanga season tawp lam a khelh theih loh hnuah a dam leh ṭan tawh a, ni 10 chhunga club training zawm leh thei tawh tura beisei a ni.

Kum 25-a upa forward hi April 1-a Everton 3-1 a an hneh ṭumin a inhliam a, Reds match hnuhnung pangaah a inlan lo. Ni 10 chhungin training zawm dawn mah se Liverpool pre season friendly-ah erawh a la inlan thei dawn chuang lo.

Liverpool chuan, "Sadio hi club medical staff ten uluk taka vilin an enkawl reng dawn a, dam ṭha taka a lo kir leh theih nan theihtawp kan chhuah chhunzawm zel ang," tiin thuchhuah an siam.

Senegal international Mane hian June 2016 khan Sou­thampton aṭangin Reds hi pound maktaduai 34-in a zawm a, Premier League match 27 a khelhah goal 13 khungin player pawimawh pawl a ni phak.