Coach & Referee Refresher Course

Volleyball Federation of India (VFI) in North East Zone tan volleyball coach & referee refresher course a buatsaih chu Ningani khan zawh a ni a, Chhungte International, Electric Vengah kharna hun hman niin training nei coach 25 leh referee 13 te hnenah certificate pek chhuah a ni.

Coach & referee re­fresher course-ah hian tualchhung mi bakah Ma­nipur aṭangin coach an rawn kal. Indian natio­nal volleyball coach GE Shre­­dharan leh Asian volley­ball confederation hruaitu zinga pakhat S. Beny Coonghe ten training an pe.

Kharna inkhawma thusawitu Shredharan chuan, "Mizo ten theihna sang tak an nei a, pumraw lian pui pui ni lo chung pawhin tumruhna a awm chuan volleyball-ah kawng a inhawng," tiin a sawi.

Mizoram Volleyball Association hian tunkar chhung khan R. Dengṭhuama Indoor Stadium, Mualpuiah Pro Division club khel tur zawnna play­off an buatsaih bawk. Pro Volleyball League cham­pion hmasa ber Anastasia VC, Electric Veng chu champion-in season tharah PVL an khel leh dawn a ni.