Charity match a hlawhtling

Mizoram Professional Foot­baller Association leh Lung­lei DFA buatsaih Cha­rity Match-ah entu mipui an ṭhahnem a, July 6 khan Ṭhuamluaia Muala leng lo mipui an fuankhawm.

MPFA XI hian Lunglei XI chu 3-2 in an hneh a, pro­fes­sio­nal footballer tan R. Lal­danmawia'n goal hnih khungin Lalrindika Ralte-in goal khat a khung bawk. Lung­lei XI tan Lalramzauva leh Michael-a ten goal khat ve ve an khung. Inkhel en tura pung­khawm mipuite hi Mizo zaithiam ten zaiin an awi bawk a ni.

MPFA, Lunglei DFA leh Lungleia zai thiam intel khawm RAIN (Rimawi An tan I thiamna Nen) te ṭangkawp hian senso paih hnuah Rs 1,18,462 an hlawh chhuak a, heng an sum hmuh hi Central YMA hnehah an hlan ang.

MPFA secretary Didika Ralte chuan, "Charity match hlawhtlinna chhan ber chu mipui an ni a, kan inkhel min hlut sak avangin kan lawm hle. Kan thawhpui Lunglei DFA-in kan thlentirh aṭanga kan haw thlenga duat taka min enkawl a, Black Bumperz leh Body Builders te zarah hun nuam zawk kan hmang a, an chungah kan lawm hle a ni," tiin a sawi.