ATK-ah Westwood a lut dawn

Indian Super League club Atletico de Kolkata chuan Bengaluru FC ma­nager hlui Ashley Westwood chu director of football atan an lalut dawn a, contract erawh ziah a la ni lo.

Manchester United academy chhuak West­wood hian Bengaluru FC chu kum thum a enkawl chhungin I League no­­mawi pahnih leh Fede­ration Cup nomawi pakhat a chawipui avangin a hming ṭha hle a, I League season hman zawh taka hlawh tlem zawka contract thar zawrh a nih avangin South Indian club hi a chhuahsan.

English manager hian Malaysian Super League club Penang FA a zawm a, mahse beisei a phak loh avangin March 2017 khan Penang hi a chhuahsan a, ATK lam a pan ta a ni.

Kolkata club hian an player chelh theih pa­hnihah goalkeeper Debjit Majumder leh Prabir Das chu contract an ziahpui tawh a, coach kal chhuak Jose Molina thlakna erawh an la nei lo thung.