Kerber chak niah Pliskova a tla

Wimbledon champion tura rinkai zinga mi Karolina Pliskova chu second round-ah a zinkawng a tawp ta. World number 1 Angelique Kerber erawhin third round a inhlangkai thung.

Ningani zan inkhelah seeded pathumna Pliskova hi world number 108 Magdalena Rybarikova lakah 6-3, 5-7, 2-6 in a chak lo a, kumin Wimbledoon hmeichhe singles-ah world number 3 Pliskova hi ranking sang zinga tla hmasa ber a ni.

Kum 25 mi Pliskova chuan, "Chak inring chungin court chhungah ka lut a, mahse inrintawkna ka neih theih miau loh avangin a chak lo zawkah ka ṭan a ṭul," tiin a sawi.

Inkhel dangah German nula Kerber chuan inkhel inhnehtawk takah 7-5, 7-5 in Kirsten Flipkens a hneh. Season hmasa khan Kerber hi final-ah Serena Williams lakah a tlawm a, kuminah Serena a inlan loh avangin beiseina a nei sang hle.

Player langsar dang Agnieszka Radwanska, Svetlana Kuznetsova, Coco Vandeweghe, Caroline Wozniacki leh Garbine Muguruza ten hnehna an chang vek bawk.