Nomawi duha tuihal Sergio Ramos

Real Madrid captain Sergio Ramos chuan a club tana nomawi chawi hlan a nghakhlel tih thu a sawi a, chutihrualin tunlai hri leng mek vangin dawhthei taka nghah a ngaih thu a sawi.

Spanish club lian hi La Liga table-ah pahnihna an ni mek, an chungah Barcelona an awm. Champions League last 16 an khelh tur chu Covid-19 vangin an khel zo hman lo, nomawi lian pahnih an la beisei mek.

Kum 34 mi Ramos chuan, "La Liga leh Champions League khelh ka chak leh tawh takzet. Mahse, mihring hriselna dinhmun hi derthawng taka dah chu thil tih chi a ni lo.

"Season hman zawh ka chak a, duhthusamah chuan nomawi nen ngei ni thei se. Amaherawhchu a hmasa berah chuan hriselna leh himna a pawimawh, thuneitu lam thutlukna dawhthei taka nghah a ngai rih a ni," tiin a sawi.

Spain hi coronavirus kai nasa ram an ni a, nimin tlai thleng khan hri kai hmuh chhuah mi 232,000 chuang an awm tawh a, thih pui pawh 24,000 dawn an awm tawh bawk.

Ramos chuan an ram dinhmun sawiin, "He natna hi kan hneh tawh leh kalsan tawha ngaih ngawt chi a ni lo. Damdawi lam thiam bik ten kan ṭhatna tura ruahmanna an siamte hi uluk takin kan zawm turah ka 

ngai," a ti.