Porto-ah season khat dang Casillas

Real Madrid goal­keeper hlui Iker Casillas chuan season khat dang cham chhunzawm leh turin Porto tan contract a ziak leh ta.

Kum 36-a upa Casillas chuan, "Porto tan season khat dang ka khel zui leh dawn a, chona thar ka hmachhawn leh dawn avangin ka hlim hle a ni," tiin a sawi.

Spain tana match 167 khel tawh Casillas hian season hnih chhung Porto tan a khel tawh a, Primeira Liga-ah match 65 inlan tawhin patumna leh pahnihna a nihpui - heng season hnihah hian Benfica chuan nomawi an chawi ve ve a ni.