PM-in CWG medalist-te a lawmpui

India prime minister Narendra Modi chuan Commonwealth Games neih zawkah taka India tana medal latute a lawmpui. Inrinnia lawmpuina hunah hian Mizo infiammi pahnih Jeremy Lalrinnunga leh Lalremsiami Hmar te pawh an tel.

Birmingham, England-a inelna neih zawk takah khan Jeremy-a'n weightlifting huangah gold medal a la a, hmeichhe hockey lamah Remsiami telna hian bronze medal an dawng thung a ni.

Ainawn Veng (Govt. Complex) tlangval Jeremy-a hi Indian Army-ah Naib Subedar aṭangin Subedar-ah a kaisang. Remsiami pawh a hna thawhna Railways-ah Officer on Special Duty a ni mek bawk.

Commonwealth Games 2022 neih zawh takah khan India hian medal 61 a hlawh chhuak a, a pumpuiah palina dinhmun an luah a ni.