Player 30 zingah Messi a tel lo

Ballon d'Or dawng thei tur player 30 chu Zirtawpni khan tihchhuah a ni a, mimal chawimawina sang kawl mektu leh dawng hnem ber Lionel Messi hming a tel lo.

Messi hian Ballon d'Or hi ṭum sarih a dawng tawh a, season liam ta khan Paris Saint-Germain zawmin beisei anga a chet ṭhat loh avangin kum 15 chhung a zawna shortlist-a a awm ziah hnuah a tel ta lo. Argentina captain bakah hian PSG tana khelhpui Neymar pawh a tel lo.

Ballon d'Or dawng thei tur zingah hian Cristiano Ronaldo erawh a tel a, chawimawina dawng tur erawhin Portugal captain hi a che ṭha tawk lo. Chawimawina dawng turin Real Madrid striker Karim Benzema chu a buk a rit a, chutihrualin kumin October 17-a chawimawina sem hunah engkim a chiang ang.