Gerrard-a'n Lampard a hneh

Player an nih laiin khaikhin an ni ṭhin a, an club khelhna inang lo mah se Steven Gerrard nge Frank Lampard ṭha zawk tih chu zawhna lian tak a ni ṭhin. Tunah chuan English midfielder pahnih hi manager an ni tawh a, an la inel chhunzawm zel.

Inrinni zan Premier League inkhelah Gerrard-a enkawl Aston Villa chuan Everton 2-1 in an hneh a, manager Lampard-a enkawl Toffees hian league match hnih an khelh aṭangin point an la hmu lo.

Villa tan Danny Ings leh Emiliano Buendia ten goal khat ve ve an khung a, mikhual Everton lamin goal hnih an phurh hnuah an ti lut ve hram - hei pawh hi defender Lucas Digne-a'n anmahni lama a tih luh a ni.

Season hmasa khan Everton hi an inhamtang hram hram, nipui bazarah an forward ṭha Richarlison an chan zui. Season bul an ṭan chhe hle a, inhamtang chhunzawm tur chuan an beih fe a ngai dawn tih a chiang.