Werner-a'n goal a khung nghal

Chelsea-in kum 2020 khan RB Leipzig duhlai Timo Werner chu a release clasue 'pound maktaduai 45-in' an lalut a, beisei a phak loh avangin pound maktaduai 25-in German club-ah an lettir.

Leizpig-in London club duh loh Werner hi duat takin an tuam hlawm a, Germany international hian Inrinni zana FC Cologne nen an inkhelh ṭuma bul ṭan nghalin minute 36-naah yard 30-na aṭangin goal hmahruai a khung.

Red Bull Arena Leipzig-a inkhelah mikhual team tan Florian Dietz-a'n minute 40-naah siphurh a sut a, half time hma hretin Leizpig midfielder Dominik Szoboszlai chuan amah vengtu a nghawk avangin hnawhchhuah a ni.

Player 10-a khel chungin Leizpig-in goal an khung hmasa leh tho a, minute 56-naah Christopher Nkunku-a'n a khung. Amaherawhchu Leipzig substitute Josko Gvardiol-a'n an lamah a tilut a, team pahnih hi 2-2 in an inhnehtawk.

Inkhel dangah Erling Haaland-a chhuahsan Borussia Dortmund-in SC Freiburg 3-1 in an hneh. Dortmund tan hian Sebastian Haller damloh vanga lakluh Lammuala goal khung tawh Anthony Modeste-a'n bul a ṭan a, kum 17 mi Youssoufa Moukoko-a'n goal a khung bawk.

August 14, Inrinni
Werder Bremen 2 - 2 VfB Stuttgart
RB Leipzig 2 - 2 FC Cologne
Bayer Leverkusen 1 - 2 Augsburg
Hertha 1 - 1 Eintracht Frankfurt
Schalke 2 - 2 Borussia M'Gladabch
SC Freiburg 1 - 3 Borussia Dortmund