PV Sindhu a inhnukdawk

India nula bad-minton khel thiam PV Sindhu chuan World Championships a khel thei dawn lo. A kerek hliam enkawl a ngaih avangin, hun tepter tawh takah Sindhu hi a inhnukdawk leh ta zawk a ni.

World number 1 hlui Sindhu chuan, "Commonwealth Games kan khelh lai khan ka hliam, quarterfinal dawnah kha ka kerek hi a na. Mahse, coach leh damdawi lam thiamte nen kan ṭang ho a, medal la thei tur khan ka theihna zawng zawng ka chhuah.

"Inlena hautak tak ka hmachhawn zo chiah a ni a, hun chep tak karah ka hliam pawh endik a ni. MRI tih a nih hnuah ka doctor chuan ka kerek vei lam chu enkawl a ngaih thu min hrilh, hei vang hian tournament ka hmachhawn thei dawn rih lo," tiin a sawi.

Kum 27 mi Sindhu hian World Championship bikah hian medal panga ngawt a lo la tawh, heng zingah hian gold medal pawh a tel. Tun hnaia khan a la champion ngai lohna Commonwealth Games-ah gold medal a hlawh chhuak bawk.