Football coach VR-a a thi

Mizoram Football Association hnuaia football coach leh MFA Women's Committee Member Vanromawia (VR-a), Chhinga Veng chu August 13, Inrinni chawhma dár 11:30 khan Aizawl Hospital-ah a thi.

VR-a hi AFC C License coach a ni a, kum 2014-a National Sub-Junior Football Championship Goa-ah Mizoram chu semifinal final a thlenpui a, kum 2015-ah RGKA, Karnataka-ah, Mizoram U-14 (Boys)-te chu a champion pui. Kum 2017-a National Sub-Junior Football Championship, Calicut, Kerala-ah Mizoram a champion pui leh bawk a ni.

MFA chuan Mizoram tana mi ṭangkai takin a boral san chu pawi an ti takzet a, a kalsan tâk a chhungte an tawrhpui thu an chhuah.