Covid-19 in international football-ah ngawng nei dawn

UEFA executive committee member Lars-Christer Olsson chuan coronavirus-in international football calendar pawh kum hnih thum chu a nghawng a rin thu a sawi.

Europe-a football thuneitu sang ber UEFA-in August thla chhungin Champions League leh Europa League zawh theih an inbeisei a, May thla tawpah thutlukna siam a ni ang.

European Leagues president Olsson chuan, "Covid-19 hian international football-ah nghawng a nei chho dawn. Tun dinhmunah erawh ruahmanna siam chu kan tih theih tawk a ni a, 2019-20 season khelh hmabak hi August thlaa zawh fel dan kan zawng," tiin a sawi.

Club football-ah fixtures an inhnawh khawm a, international football-ah a danglam chuang lo. Ṭum danga international break-a match hnih neih ṭhinah Euro 2020 qualifiers leh Nations League fixtures match thum neih tumna a awm. 

Olsson chuan, "May thlaah chuan thutlukna siam hrim hrim a ngai dawn. Chuti lo chu kan khelh hmabak leh kan hun neih a inkawp rem dawn lo," tiin Europe football kal zel dan tur chu August thla hmaa a chian fel a rin thu a sawi.