Vawiinah match ruk
Lalbiakliana Memorial MFA Super Cup 2017 chu vawiin hian Lammual leh RG Stadium-ah khelh chhunzawm a ni dawn a, match ruk a awm ang.
Vawiin hian Mizoram Premier League club inlan tur an awm lo a, season liam taa quarterfinal thleng pha Venghlui FC chu inlan tura langsar zinga mi an ni. Nikum MFA Super Cup-ah Venghlui FC hian first round-ah I Day Football finalist Ramhlun North barakhaih nghalin a sang pariat zingah an invawrh kai a, penalty shootout-ah Chawnpui FC an hneh lo.
ADFA hnuaia first division club Venghlui FC hian Lammualah Zemabawk North FC an hmachhawn dawn. Hemi zawh hian first division club Ramhlun FC-in Phulpui FC an hmachhawn zui ang a, ITI club Youngstar United leh Saikhamakawn ten match hnuhnung ber an khel ang.
RG Stadium-ah Aizawl khaw pawn pahnih Thenzawl FC leh Kolasib Tumpui GSA ten bul an ṭan ang a, Thingsulthliah FC-in ADFA third division club Hming Hming FC an intum ang a, third division club pahnih Zauva Memorial FC leh Mission Veng FC te an inkhel bawk ang.
Vawiin Inkhel Tur
Lammual
GROUP D - First Round
10:00 AM Venghlui FC Vs Zemabawk North FC
12:00 PM Ramhlun FC Vs Phulpui FC
02:00 PM Youngstar United, ITI Vs Saikhamakawn
RG Stadium
Group F - First Round
11:00 AM Thenzawl FC Vs Kolasib Tumpui GSA
Group G - First Round
01:00 PM Hming Hming FC Vs Thingsulthliah FC
03:00 PM Zauva Memorial FC Vs Mission Veng FC