Dynamos-in player chelh dawn lo

Indian Super League club-ten an player chelh tur an tihchian luai luai laiin Delhi Dynamos erawhin player chelh tum an nei lo a, an thutlukna hian mak tih a hlawh hle. Delhi club hi a tirah tak chuan an defender pawimawh Anas Edathodika chelh tura ngaih an ni a, mah se FPAI Indian Player of the Year hi chelh loh an thlang ta zawk.

Delhi Dynamos hian players chelh an neih dawn tak lohah chuan player draft-ah an innghat pumhlum dawn tihna a ni a, ISL club thar Tata Steel enkawl tur nen draft hi first round aṭangin an chhim nghal dawn tihna a ni. GMS Group ta Delhi Dynamos hi tun season-ah Real Madrid midfielder hlui Miguel Angel Portugal enkawlna hnuaiah an khel ang.