Remsiami lo haw dawn

Commonwealth Games bronze medalist Lalremsiami Hmar chu vawiin hian Mizoramah a lo haw dawn. Chawhnu dar 12:30 bawr hian Lengpui lo thleng tura ngaih a ni a, a hmunah Mizoram sorkar buatsaihin lo hmuah tur a ni ang.

Kolasib nula Remsiami hian a tum dan chuan Aizawla chawl khawmuang loin an khua a pan nghal ang. Lengpuiah hian lawmna tawi bakah chanchinbu mite nen inkawmna hun an hmang hmasa dawn a ni.

Remsiami telna India hmeichhe hockey team hian Commonwealth Games-ah khan semifinal an thleng a, mahse final an lut zo lo. Pathumna inchuhna inkhelah New Zealand nen 1-1 in an inhnehtawk a, penalty shootout hmangin India hi 2-1 in an chak.

Mizo nula hian India tan hlawhtlinna hrang hrang a chang tawh. Infiamna khawmpui lian ber Tokyo Olympic-ah pawh khan India tan a feh chhuak a, medal la phak chiah lo mah se palina dinhmun an luah - hemi ṭuma a lo haw hi ropui taka hmuah a lo ni tawh.