AS Roma an chak

Jose Mourinho awmna a nih hi chuan a boruak a danglam ṭhin. Portuguese manager enkawl AS Roma chuan tun season Serie A an match hmasa berah Salernitana chu 1-0 in an hneh, an mikhualna rama goal awmchhun hi Bryan Cristante-a'n chawlhlawk hmaa a khung a ni.

Pathianni zan inkhelah Roma hian an hmatawngah hmel thar an lantir. Paulo Dybala chuan bul a ṭan nghal a, Argentine forward hian goal ban a tih per bakah a ṭhiante tana hun ṭha a siamsak chu an khung lo, match hmasa berah khel ṭha mah se a duhthusam a thleng nghal bik lo.

Dybala leh Nicolo Zaniolo te hmaah Tammy Abraham a ding a, tlarhma lam chu an ngaihtuahawm dawn lo. Midfielder Nemanja Matic leh Georginio Wijnaldum te pawh bench aṭangin an lut, team nghet ṭha tak chu an din ngei dawn niin a lang.

Roma coach Mourinho chuan, "Vannei ni ila chuan 3-0, 4-0 emaw 5-0 vel laiin kan chak theiin ka ring. A tir aṭanga a tawp thlenga ka naute khelh danah khan ka lawm, beidawng loin kan bei a ni saltiah lo a, kan huaisen tel bawk.

"Match ṭhenkhat ang chu ni se, inkhel thunun leh remchang insiam ṭeuh chung siin kan chak zo lo ang. Mahse, tun ṭumah chuan kan phu ang ngeiin point thum kan hmu, mahse goal kan venhim bawk avangin bul ṭanna ṭha tak a ni," tiin a sawi.

Season hmasa khan Roma hi Serie A-ah parukna an ni a, kuminah chuan champion tum ngam zinga mi an ni ang. League-ah duhthusam a ṭhain hun hmang lo mah se Europa Conference League nomawi an chawi a, tun season-ah Europa League an khel ang.

Nizan khan Juventus chuan an match hmasa ber an khel ve chauh a, result kan hre hman lo.