Bayern tan buaina a awm lo

German champion Bayern Munich chuan Bundesliga match hnih an khelh tawhah buaina an nei lo. Pathianni zan khan Jamal Musiala leh Thomas Muller te goal khat ve ve hmangin VfL Wolfsburg chu 2-0 in an hneh.

Bavarians hian league match hnih an khelh aṭangin goal riat an khung der mai. Tlarhma lamah Sadio Mane leh Muller te an hnawksak a, an khingpui lamin an chai hneh meuh lo, striker chhuak ta Robert Lewandowski an ngai rih lo hle.

Alianz Arena-a inkhelah Wolfsburg lamin a tirah an nawr ngam viau, minute ngana lekah goal an nei teuh hle. Wing-back Alphonso Davies chuan an lama goal lut tur tauh chhuah a tumna lamah anmahni lamah a lut teuh hle, goal ban a tih per hlauh.

A hnu lamah erawh Byern an harh a, kawng tinrengin inkhel an thunun. Bavarians hian an coach hlui Niko Kovac enkawl team lakah zahngaihna an lantir lo, goal hnih chauh an khung kha tlem an ti mah mah zawk hial mai thei.

German football inelna sang berah hian team 18 inelna ten match hnih ṭheuh an khel tling ta a, champion lai Bayern Munich leh Borussia Dortmund ten point ruk ve ve an hmu, team dang zingah chak ve ve thei an awm lo.