Gotze leh Dortmund-in Training an ṭan

Manager thar Peter Bosz kaihhruaina hnuaiah Borussia Dortmund chuan kartawp aṭang khan training an nei ṭan tawh a, midfielder Mario Gotze chuan harsatna nei loin a ṭhiante kiangah trai­­ning a zawm ve bawk.

Kum 25 mi Gotze hian natna chi khat 'meta­bolic disturbances' a neih a neih avangin March thla hnuah a la inkhel leh lo a, USA-ah a bika enkawlna pek niin tunah chuan Bundesliga khel turin a in­buatsaih ve leh thei ta a ni.

Germany-in 2014 FIFA World Cup final-a Argentina an hnehna goal awmchhun khungtu Gotze rawn let hi Dortmund tan chanchin ṭha a ni a, a rual hian player lakluh thar defender pahnih Omer Toprak leh Dan-Axel Zagadou te pawhin training an zawm bawk.

Season hmasa Bun­desliga pathumna hian season thar inbuat­saihna an match hmasa ber atan July 11 hian German fourth division club Rot-Weiss Essen chu friendly match an khelh pui ang a, chumi hnuah Japan leh China-ah an zin ang.