Tata coach phatu Restrepo!

Pathianni tlaiah phai media-ten Colombian manager Carlos Restrepo chu Indian Super League club thar, Tata Group enkawlna hnuaia khel turin coach atan an lalut niin an tarlang a, he thu hi Honduran club ṭha Olimpia enkawltu coach chuan a pha thung.

Kum 2013 South American Youth Cham­pionship-ah Restrepo hian Colombia U23 chu nomawi a lo chawipui tawh a, ISL club thar a enkawl dawn tih tarlan a nih khan thawm pawh a nei lian hle. Mahse, Liberia pawh lo enkawl tawhtu manager hian Tata Group club enkawl tur anga sawi a nihna chu a pha nasa hle.

Costa Rican league-a nomawi pahnih lo chawi tawh coach chuan, "ISL club chungchang sawi ka tum lo a, engmah keichuan hriat ka nei ve lo. Indian club-te hi inbiakna ka neihpui thut a, an coach ni tura sawmna ka hmu a nih chuan nangni hi a hre hmasa ber tur chu in ni ang," tiin Honduran media te a hrilh.