Mizo rider-in bulṭan fuh

Mizoram MotorSports Association (MiMSA) tirh chhuaha kal Mizo rider pangate chuan Inrinni leh Pathiannia neih tak Suzuki Road to Rookie Cup leh Suzuki Gixxer Cup first round-ah title panga an hlawh chhuak - August thlaah second round neih leh tur a ni ang.

Coimbatore-a Su­zu­ki Gixxer Cup-ah Bawng­kawn tlang­val Lal­mawi­puia chu pathumna a ni a, Kanan veng tlangval Malsawmdawngliana chu palina niin medal a dawng lo chiah thung.

JK Tyre, Road to Rookie Cup-ah Lal­hruaizela chu pahnihna niin Bengkawn tlangval hnungah hian Mizo rider dang - K. Lalnunsanga, Electric Veng (3pos), PC Andy Lalhmangaihsanga, Rulchawm (4), Vanlal­thla­muana, Salem Veng (5), Lalneihtluanga, Salem Veng (6) leh Augus­tine Laltlankima, leh Lalrinliana Melriat te an thleng bawk.

F.M.S.C.I. One Make Race ve thung hi Chennai-ah tlan a ni a, TVS Apa­che 200-ah Anthony Lal­awmpuia, Mission Veng­thlang chu 4-na niin Lalhmingchuanga Sailo chu 12-na a ni.